CEBU CITY – Maayo ang kahimtang sa mga delegado sa Region VII sa nagpadayon nga Palarong Pambansa 2019 sa dakbayan sa Davao.
Kini ang gikompirmar ni Department of Education (DepED) Cebu City Schools Division Superintendent Dr. Bianito Dagatan.
Matud ni Dagatan nga sukad sa pag-abli sa event niadtong Abril 28 hangtud niining pagsuwat wala silay nadawat nga negatibo nga report o kakuli-an nga naglambigit sa mga atleta sa tungang kabisay-an.
Wala usab matud pa problema sa kaon ang mga bata ug ingon man ang klima bisan paman og grabe ang init wala hinooy nangasakit.
Sa pagkakaron, anaa ang Central Visayas ang sa ika-9 nga pwesto nga adunay 8 ka gold, 11 silver ug 19 bronze medals.
Sa Mayo 5, adlaw nga Dominggo, ipahigayon ang closing ceremonies sa Palarong Pambansa 2019. Alang sa medal tally, click lang ngari. (FDP/GN)
