CENTRAL VISAYAS-Nakatala og taas nga literacy rate ang rehiyon sa Central Visayas nga gitanyag nga usa sa mga top performing region sa nasod sumala pa sa 2024 Functional Literacy, Education, and Mass Media Survey (FLEMMS) nga gipahigayon sa Philippine Statistics Authority (PSA).
Ang maong sukaranan kay nagtumong sa pagdeterminar sa porsyento sa literasiya sa nasod diin nagpahigayon kini og sample testing sa 177,656 ka mga panimalay sa 572,910 ka mga indibidwal nga nagpangidaron og 5-anyos pataas.
Ang maong survey kay nagtinguha sa revised operational definition ug methodology sa pagsukod sa basic ug functional literacy sa usa ka tawo.
Gipasabot sa PSA nga ang basic literacy kay ang abilidad sa usa ka tawo ang mubasa ug musuwat sa simpleng menshae sa bisan ug unsang lengwahe o dialekto nga adunay pagsabot ug ang kalkulasyon sa basic mathematical operations.
Sa maong 2024 results, 90% sa kinatibuk-ang populasyon sa nasod ang above basic literacy diin natala sa Central Luzon (Region 3) ang pinakataas sa 92.8% samtang ang Bangsamoro Autonomous Region in Muslim Mindanao (BARMM) ang nakatala sa pinakaubos sa 81%.
Ika-upat sa pinakataas nga Central Visayas (Region 7) nga mitala og basic literacy rate sa 92.1%.
Sa pagpasabot sa resulta, natalang mas taas nga higher basic literacy sa mga kababaynhan itandi sa mga lalaki samtang ang age group nga 20-24 ang pinakataas og literacy rate ug ang katiguwangang nag-edad sa 60-anyos pataas ang pinakaubos.
Samtang, ang functional literacy rate nga naglakip sa abilidad sa pagbasa, pagsuwat, pag-compute, ug pagsabot kay natala sa 70.8%.
Sa susamang resulta, nagpakita pud kini og illiteracy rate sa 6.9% nga nagpasabot nga dili kamao mubasa ug musuwat diin sa Central Visayas kay adunay 330 ka mga indibidwal o 5.4% ang natala.
