CEBU CITY-Hugot nga ipatuman sa buhatan sa Cebu City Environmental Sanitation and Enforcement Team (CESET) ang segregation sa basura nga kolektahon sa dakbayan.
Nagpaabot nalang ang maong buhatan sa memorandum sa hingpit nga pag-implementar sa waster segregation sa tibuok dakbayan sa Sugbo.
Matud pa sa pangulo sa CESET nga si Grace Luardo nga stirkto na nilang ipatuman kini sa collection trucks human namatikdan nga wala kini gituman sa mga lumulupyo sa dakbayan.
Sa higayong ma-isyu na ang maong memorandum, ipatuman dayon kini sa buhatan.
Nasuta nga ang multa sa maong paglapas sa dili pag segregate sa basura kay mubalor sa P1,000 ngadto sa P5,000.
Mipahinumdum usab ang opisyal sa mga sanitation collectors nga dapat nakasegregate ang basura nga ilahang kolektahon aron makalikay sa multa nga P3,000 ngadto sa P5,000.
Ingon man nga awhag niini sa publiko sa dakbayan sa pagtuman sa saktong pamatasan sa paghipos sa basura.
