CEBU PROVINCE-Hingpit na nga andam ang tibuok probinsya sa Sugbo sa umaabot nga Barangay ug SK elections karong Oktubre 30, 2023.
Sa pakighinabi sa Bombo Radyo Cebu kang Omar Sharif Mamalinta, kinsang tigpamaba sa COMELEC Probinsya sa Sugbo, gibutyag niini nga aduna nay mga nisalmot sa ilahang buhatan aron mo-verify sa ilahang ‘certificate of candidacy’ ug sa ilahang nakita nga walay natalang kagubot sa maong kalihokan.
Dugang pa niini nga sa gipahigayon nga mga panagtapok sa mga BSK diin nasaksihan nila kon unsa ka hapsay ug kalinaw ang pagpahan-ay hilabi na sa mga supporters sa mga modagan.
Subay sa maong kalihokan, gipahibalo sab ni Mamalinta nga sa Agosto 28, abli ang ilahang buhatan sa mga mo-file sa COC bisan nga gideklarar nga Holiday kining adlawa.
Nasayran usab nga nakigpulong ang mga COMELEC ngadto sa mga modagan uban ang mga PNP arun hisgutan ang kalinaw ug kahapsay diin usa sa mga gilauman nila karong BSK election 2023.
