JAPAN-Gitaho sa Japan nga adunat 527 ka mga bata nga nagtungha sa elementarya, junior high ug senior high school nga namatay tungod sa pagkutlo sa ilang kinabuhi sa miaging tuig.
Diin mas taas kini sa record sa 2023 nga anaa ra sa 514, ug gipakita sa pasiuna nga datos sa gobyerno kaniadtong Miyerkules, sumala ni Kyodo.
Matud sa health ministry data nga mikabat sa 349 ang ihap sa mga estudyante sa senior high school ang nagkutlo sa ilang kinabuhi, gisundan sa mga estudyante sa junior high school nga adunay 163, ug mga estudyante sa elementarya nga adunay 15.
Gihulagway sa Ministry of Health, Labor and Welfare official nga makapaalarma ang maong pagdaghan nga gipasiugda ang panginahanglan alang sa dugang nga pagtuki.
Bisan pa sa pagsaka sa ‘suicide cases’ sa mga bata, ang katibuk-ang gidaghanon sa pagkutlo sa Japan mius-os ngadto sa 20,268 ka kaso, nga mao ang ikaduha nga kinaubsan sukad nagsugod ang rekord niadtong 1978.
Basi sa panukiduki nga nag-unang hinungdan sa pagsaka sa ihap tungod sa isyu sa panglawas ug gisundan kini sa financial problem ug ang family problems.
