Nagpakita ang tinuig nga report sa intelligence sa US nga nag-ingon nga ang China kay wala pa nagplano nga mosulong sa Taiwan sa 2027.
Sumala sa report sa Annual Threat Assessment, wala usab gitakdang timeline para makab-ot ang paghiusa sa Taiwan ug China.
Bag-ohay lang sa miaging tuig, ang mga opisyal sa US Department of Defense nag-flag sa sunod tuig isip posible nga timeline para sa maong pag-atake.
Bisan pa, ang mga report nagsugyot nga ang mga opisyal sa China nahibalo nga ang pagsulong sa Taiwan pinaagi sa dagat kay lisod ug lagmit mapakyas, ilabi na kung ang US manginlabot.
Ang report nag-ingon usab nga ang China dayag nga nagpahayag nga ang paghiusa sa Taiwan nanginahanglan una nga makab-ot ang tumong niini nga pagbag-o sa nasud sa 2049, nga usa ka posibleng mas taas nga timeline para makab-ot ang tumong niini.
Busa, kni miingon nga ang China magkonsiderar sa daghang mga butang sa desisyon niini nga atakehon ang Taiwan lakip ang kaandam sa militar, politika sa isla ug kung ang Estados Unidos manginlabot ba niini.
