Nipagawas og hugot nga pasidaan ang China isip tubag sa mga plano sa depensa sa Pilipinas, partikular na ang pag-angkon og mid-range missile system sama sa Typhon MRC gikan sa Estados Unidos.
Gitawag sa China nga pag-atake ang deployment sa mid-range missile system sa Pilipinas kaysa pang-depensiba sumala sa tigpamaba sa Ministry of Foreign Affairs nga si Mao Ning.
Gidugang pa niini nga ang pagbutang sa Typhon MRC system sa Pilipinas giingong naghulga sa interes sa seguridad sa China ug mahimong hinungdan sa pagtaas sa tensyon sa rehiyon.
Giawhag usab niini ang Pilipinas nga tumanon ang mga pasalig niini sama sa neutralidad ug likayan ang mga lakang nga makadaot sa interes sa China.
Ang Typhon system, nga makahimo sa paglansad sa duha ka conventional nuclear warheads, gipadala sa Pilipinas isip kabahin sa paningkamot sa nasud sa pagpalig-on sa mga depensa niini batok sa nagkadako nga presensya sa China sa West Philippine Sea (WPS).
Giisip sa Pilipinas nga kini nga mga sistema kinahanglanon aron mapanalipdan ang soberanya, ilabi na sa exclusive economic zone (EEZ) ug aron suportahan ang Comprehensive Archipelagic Defense Concept (CADC), apan gilantaw sa China ang pagdeploy niini isip usa ka provocation nga makapukaw sa lumba sa armas ug makaguba sa kalinaw sa rehiyon.
