Gikataho sa tigpamaba sa Philippine Coast Guard (PCG) sa West Philippine Sea Comm. Si Jay Tariela nga ang Chinese research vessel nga nakita sa makadaghang higayon sa northern seaboard sa Pilipinas nibiya na sa Exclusive Economic Zone (EEZ) sa Pilipinas.
Matod ni Tarriela, ang research vessel nga Xiang Yang Hong 05 nagpabilin sa gawas sa EEZ karon human sa sunod-sunod nga mga hagit nga gihimo sa PCG, diin subay pa niya, dili kini ang unang higayon nga adunay Xiang Yang HOng-type vessel nga nakasulod sa kadagatan sa Pilipinas.
Gumikan, kaduha na kini na-monitor sa PCG aron makasulod sa teritoryo sa nasod karong tuiga, samtang ang ubang mga Xiang Yang HOng-type vessels naila usab kaniadto nga nakasulod sa kadagatan sa Pilipinas.
Nanatarungan usab ang opisyal sa PCG nga makapabalaka ang ilang gihimo nga panukiduki sulod sa EEZ tungod kay daghan silag mamahimo, lakip na niiini mao ang pag-map out sa seabed ug sa mga nag-unang maritime territory sa Pilipinas, apil na ang posibleng paglihok sa mga undersea cables sa nasod sa palibot sa barko.//
Gitataw ni Tarriela nga makatarunganon ang reaksyon sa coast guard, apil na ang pagpakitag alarma sa presensya sa Chinese vessel, tungod kay ang Pilipinas lang ang adunay katungod sa pagsuhid ug pagpahigayon og panukiduki o pagtuon sa teritoryo niini; katungdanan usab sa gobyerno ang pagsiguro nga walay ilegal nga mahitabo sa tibuok nasud.
Mipasalig usab si Tarriela nga padayon ang pagmonitor sa nasangpit nga barko, samtang anaa kini sa gawas sa Philippine EEZ.
