Gipasabot sa Commission on Human Rights (CHR)-7 ang ilang responsibilidad subay papahigayon og imbestigasyon kalabot na sa pagkasikop sa mga suspek sa pagpanulis sa usa ka mall sa Mandaue City.
Matud ni CHR-7 Director Atty. Arvin Udron nga nakalatid sa balaod nga usa ka krimen ang pagpatay sa tawo ug wala kini exemption.
Hinungdan nga, matud pa, misugyot ang Chief Investigator sa CHR-7 nga mopahigayon ug imbestigasyon kabahin niini.
Subayon sa CHR 7 wala ba nakalapas sa balaod ang mga kapulisan kinsa nakapatay sa upat ka mga suspek sa pagpanulis.
Dugang pa ni Udron nga kung mopasabot ang akusado nga usa ka self-defense ang gibuhat, paminawon usab kini sa korte.
Usa sa mga rason sa pagsulod sa CHR-7 sa imbestigasyon mao ang paglantaw kung nasulod ba kamatayon sa upat sa mga suspek sa “rules of engagement” sa kapulisan human nga, matod pa, nangilog ang mga dinakpan og armas sa kapulisan.
Samtang, mipatimbaya si Udron sa kapulisan gumikan sa kapaspas nga pagresponde ug pag-ila sa mga suspek.
