CEBU CITY-Gipahibalo ni Lapu-Lapu City Mayor Junard ‘Ahong’ Chan pinaagi sa usa ka post sa social media nga ikanselar sa City Hall ang ilahang tinuig nga Christmas Party sa mga government employees lakip na ang mga Department Heads.
Kini subay sa nahitabong dakong sunog sa Sitio Sta. Maria ug Sitio Seaside, Barangay Pusok, sa naasoy nga dakbayan, diin gibana-bana nga mokabat sa 4,000 ka mga indibidwal ang naapektohan.
Gibutyag ni Mayor Chan nga ang pondo nga igasto sa ilahang Christmas Party kay ihalad na lang alang sa mga pamilya nga nasunogan.
Matod usab ni Chan nga dili na karon ang panahon nga mag-party samtang adunay mga kaigsuonan nga nag-ping-it sa kalisud tungod sa nahitabong sunog sa Brgy Pusok.
Aduna say ubang mga departmento o opisina sama sa IT Office ug LCLRC nga mi-cancel sa ilang christmas party alang sa susamang katuoyan diin karon ang panahon sa atong pagtinabangay nga mao ang tinuoray nga kahulogan sa kapaskuhan.
