Andam nga motestigo si Police Major General Nicolas Torre III, ang pangu sa Criminal Investigation and Detection Group (CIDG), alang sa impeachment trial ni Bise Presidente Sara Duterte kung gani imbitahon kini sa taas nga balay sa Kongreso.
Una nga gikompirmar ni Torre, kanhi director sa Police Regional Office 11 (Davao Region), nga motuman siya sa mando sa Department of Justice (DOJ) ug sa prosecution panel nga nagdumala sa kaso.
Atol sa usa ka press conference sa Quezon City, gipasiugda ni Torre nga ang mga imbestigasyon batok kang VP Sara sagad hiniusang gihimo sa National Bureau of Investigation (NBI) ug CIDG ubos sa pagdumala sa DOJ.
Ang tinguha ni Torre nga motestigo nunot usab sa iyang pagsang-at og reklamo batok ni kanhi Presidente Rodrigo Duterte sa niaging semana kalabot sa kontrobersiyal niyang “kill” statements batok sa mga kasamtangang senador.
Kahinumduman nga ang impeachment ni VP Sara giaprobahan sa House of Congress niadtong Pebrero 5, diin kapin sa 200 ka mga magbabalaod ang naghiusa sa pag-endorso sa reklamo sa Senado.
