Gikumpirma sa Criminal Investigation and Detection Group (CIDG) nga ilang ipasaka ang reklamo nga obstruction of justice ngadto sa Department of Justice (DOJ) batok kang Senador Robin Padilla ug uban pa tungod sa pagtabang kang Senador Bato dela Rosa nga makaikyas.
Sumala sa DILG, human sa hingpit nga imbestigasyon, opisyal nga nakahukom ang CIDG nga ang pagdala kang Senador dela Rosa dili lang usa ka pagsakay sa sakyanan ni Senador Padilla, apan usa ka gi-coordinate ug giplano daan nga logistical maneuver nga gihimo aron malikayan ang pagka-detect.
“Following a thorough investigation, the CIDG has officially concluded that the transport of Senator dela Rosa was not a mere hitch ride on Senator Padilla’s car, but a highly coordinated, pre-planned logistical maneuver specifically executed to avoid detection.”
Nahitabo ang pagpamusil sa Senado niadtong Mayo 13 sa gabii (Miyerkules). Samtang mga alas 2 sa kaadlawon niadtong Huwebes, Mayo 14, miikyas si Dela Rosa gikan sa Senado sakay sa sakyanan ni Padilla.
Giangkon ni Padilla nga niuban kaniya si Dela Rosa. Matod niya nga nangayo og sakay si Dela Rosa kay wala siyay sakyanan sa dihang nitambong siya sa sesyon niadtong Mayo 11 kay nisakay siya sa sakyanan ni Senate President Alan Peter Cayetano.
Giinsistir ni Padilla nga gibiyaan niya si Dela Rosa sa Makati ug wala mangutana kon asa siya moadto.
Ang International Criminal Court (ICC) adunay standing arrest warrant batok kang Dela Rosa ug ang Department of Justice (DOJ) nag-isip kaniya nga usa ka pugante gikan sa hustisya.
