Gisaway sa usa ka civic group si Davao City Rep. Paolo “Pulong” Duterte, anak ni kanhi Presidente Rodrigo Duterte, tungod sa giingong paghimo og “makadaot” nga mga komento batok sa Armed Forces of the Philippines (AFP) ug Philippine Coast Guard (PCG).
Sumala sa grupo nga Alyansa ng Bantay sa Kapayapaan at Demokrasya, ilang giingon nga ang pagduda sa patriotismo sa atong mga sundalo ug coast guard nga walay ebidensya usa ka insulto sa matag Pilipino nga nagserbisyo.
Kahinumduman nga gisaway ni Duterte ang AFP human giangkon ni Gen. Romeo Brawner nga ang sistema sa missile sa US makaabot sa China.
Mitubag ang tigpamaba sa PCG nga si Commodore Jay Tarriela pinaagi sa pag-ingon nga ang mga komento ni Duterte usa ka “divisive noise” lamang.
Gipasiugda sa grupo nga ang ingon nga pamahayag “nagdaot sa panaghiusa” samtang nagpadayon ang mga hulga sa soberanya sa nasud.
Gidayeg usab nila ang AFP ug PCG sa ilang padayon nga propesyonalismo bisan pa sa mga pag-atake.
