Claudine, nagsaulog human mabasura ang kaso ni Gretchen

Nalipay ang aktres nga si Claudine Barretto nga gibasura sa korte ang kaso batok sa iyang magulang nga babaye nga si Gretchen.

Wala maapil si Gretchen sa mga indibidwal nga gikasohan kalabot sa nawala nga sabungero.

Sa social media account ni Claudine, nag-post siya og artikulo ug gi-captionan kini og “The Truth is Out”.

Kahinumduman nga niadtong Hulyo, si Gretchen nalambigit nga usa hinungdan sa luyo sa nawala nga sabungero tungod sa iyang relasyon sa negosyanteng si Atong Ang, kinsa giingong anaa usab sa luyo sa kaso.

Una na nga gihimakak ni Gretchen ang maong pasangil nga nalambigit siya sa maong kaso.