Nigasto ang Bangko Sentral ng Pilipinas (BSP) og dul-an sa P5 bilyones alang sa bag-ong polymer money nga gilusad karong bag-o sumala pa sa Commission on Audit.
Matod sa ahensya, giaprobahan sa Monetary Board ang lima ka kontrata sa suplay sa ika-upat nga kwarter sa 2023 nga nagkantidad og P4.98 bilyones alang sa produksyon sa bag-ong mga kuwarta ubos sa New Generation Currency Series, lakip ang denominasyon nga P1,000; P500; P100; ug p50.
Ang unang kontrata gihatag niadtong Hulyo 13, 2023.
Laing kontrata ang gihatag niadtong Septiyembre 28, 2023.
Sukad niadtong Oktubre 19, 2023, ang kontrata alang sa mga suplay nagkantidad og P2.6 bilyon.
Samtang ang duha ka German nga kompanya nakakuha og laing kontrata niadtong Nobyembre 16, 2023, nga adunay kinatibuk-ang kantidad nga P3.718 bilyones alang sa duha ka kontrata.
Gikumpirma sa BSP nga ang bag-ong polymer banknotes dili maglakip sa mga imahe sa mga bayani sa Pilipinas.
Hinuon, ang bag-ong mga kwarta naglatid sa mga lumad nga mananap ug tanom, sama sa Philippine eagle ug bulak sa sampaguita sa P1,000 bill, Visayan spotted deer ug endemic orchid sa P500 bill.
Ang bag-ong kwarta anaa karon sa limitadong gidaghanon ug gilauman nga magamit na sa tibuok nasod sa Enero sunod tuig.
