CENTRAL VISAYAS-Mikabat sa kapin 540,000 ka mga pasahero ang natala sa Coast Guard District Central Visayas atol sa Semana Santa 2024 samtang anaa sa 723 ka mga coast guard personnel ang gipatakap alang sa pagsiguro sa luwas ug hapsay nga pagbyahe sa mga pasahero.
Sa pakighinabi sa Bombo Radyo Cebu News Team kang CG ENS Abel Jan Lomboy, ang tigpamaba sa Coast Guard District Central Visayas diin gipaambit niini nga sa ilang kinatibuk-ang assessment, mihuman kini nga hapsay ug nagmalinawon ubos sa paggiya ni CG COMMODORE Christopher Meniado, District Commander sa CGDCV.
Diin basi sa ilang monitoring nga wala’y natala nga minor ug major incidents.
Dugang pa sa opisyal nga tungod usab sa kooperasyon sa mga pasahero ug mga vessels nga mituman sa mga rules ug regulations nga gipatuman sa Coast Guard hinungdan nga nagmalampuson ug malinawon ang paglawig sa anaa sa kapin 7,300 ka mga motorcraft.
