Gidagsa sa mga nagprotesta ang kadalanan sa Cebu City Downtown Area, subay sa anibersaryo sa ika-54 nga pagdeklarar sa Martial Law, diin ilang singgit ang nagkalain-laing isyu nga direktang nakaapekto sa panginabuhian sa mga mamumuo, drayber ug gagmay’ng mananagat.
Lakip sa ilang gipunting ang padayong pagsaka sa presyo sa petrolyo, nga ilang giingong dugang kabug-at sa mga drayber ug ordinaryong mga mamumuo.
Matud ni Gregory Perez, ang head sa PISTON-7, nga bisan og piso lamang ang itaas sa presyo sa lana, dako na kini og epekto sa bulsa sa mga drayber nga nagsalig sa adlaw-adlaw nga panginabuhian sa kadalanan.
Nasagmuyo usab si Perez nga, sumala kaniya, kulang ang mga lakang sa gobyerno aron matubag ang problema sa presyo sa lana ug ang epekto niini sa mga drayber.
Kahinumduman nga nidatong Septiyembre 15, misaka og 5.68 pesos ang matag-litro ang gasolina, 4.31 pesos ang diesel, ug 4.62 pesos ang kerosene. Giingon sa Department of Energy nga ang maong pagsaka nalambigit sa padayong pagsaka sa international oil prices.
