Malampusong nakapahigayong og humanitarian relief operations ang mga sakop sa Coast Guard District Southern Visayas (CGDSV) sa mga komunidad nga apektado sa pag-alburuto sa Bulkang Kanlaon.
Kun diin napahigayon ang maong operasyon niadtong Abril 10 hangtod 17 ug Abril 24 hangtod Mayo 1.
Ang mga sakop sa CGDSV kay mihatag sa mga hinabang og gipang-apod-apod kini sa kagamhanang lungsod sa La Castellana, Negros Occidental kinsa maoy usa sa mga hilabihang naapektohan sa pag-alburuto sa bulkan.
Sa maong operasyon, naka-distribute kini sa kinatibuk-ang 3,980 ka mga family food packs, 610 ka mga hygiene kits, 1,160 ka mga kahon sa assorted relief supplies, 3,890 gallons ug botelya sa drinking water, 100 boxes sa face mask.
Kini nga mga paningkamot kay inabagan sa koordinasyon sa nagkadaiyang local government units (LGUs) ug sa Department of Social Welfare and Development (DSWD).
Kini nga inisyatiba kay nagpamatuod sa testamento sa PH Coast Guard sa pag-alagad niini sa publiko.
Ang CGDSV kay nakabase sa Port Area, Barangay Looc, Dumaguete City, Negros Oriental nga maoy gitahasan sa pagpatrolya sa Southern Visayas.
