Nag-trending karon ang collab sa usa sa mga member sa Pinoy supergroup nga SB19 nga si Justin De Dios ug folk-pop artist dwta diin nag-reimagine sa Pinoy nursery rhyme nga “Sampung Mga Daliri” ngadto sa usa ka istorya sa tragic romance.
Matud pa nga daghan ang midayeg niini tungod kay daghan ang naka-relate hilabi na nga ang istorya kay kabahin sa kaamguhan nga ang gugma kay dili igo aron magpabilin nga magkauban.
Gipambit ni Dwta nga ang ‘Sampung Mga Daliri’ kay usa ka unfinished track nga iyang gihimo niadtong 2023.
Ug sa dihang nag-abot sila sa usa ka gig ni De Dios sa miaging tuig kay nabalik ang iyang tinguha nga humanon kini nga kanta pinaagi sa collaboration ni Justin.
Samtang sa habig ni De Dios kay iya dayon kini nga giuyonan gumikan nadani kini sa emosyonal nga kalawm sa kanta.
