-- ADVERTISEMENT --
CENTRAL VISAYAS-Nipahinumdom sa publiko si COMELEC 7 Regional Elections Director Atty. Lionel Marco Castillano nga gipatuman na ang COMELEC Gun Ban subay sa Resolution No. 10918.
Nagpasabut nga kadto lang adunay exemptions sa COMELEC lakip na ang mga piniling opisyal sa gobyerno, uniformed personnel, ug mga high-risk nga indibidwal ang gitugotan nga magdala og armas.
Matud pa usab ni Castillano nga nagbutang na og COMELEC Checkpoints ang mga sakop sa AFP-PNP sa tibuok rehiyon aron masiguro ang hugot nga pagpatuman sa nasangpit nga resolusyon.
Nagtumong ang resolusyon sa COMELEC Gun Ban sa pagpugong sa bisan unsang politikanhong pagpamatay ilabina panahon sa eleksyon.
