Wala makaikyas sa mga kawatan si Commission on Elections (COMELEC) Chairman George Garcia samtang anaa kini sa isa ka kan-anan sa Pasay City.
Matod niiini nga nahitabo ang insidente human siya mitambong sa pagdungog sa Senado gahapong adlawa.
Saysay niini, uban sa iyang mga staff miadto kini sa usa ka kan-anan sa eskina sa Buendia ug Roxas Boulevard diin wala niya mabantayi nga nawala ang iyang bag nga gibutang sa lingkuranan.
Tungod tingali sa iyang tumang kagutom wala niya mabantayi nga nawala na ang bag nga dunay sulod nga kuwarta, national ID, COMELEC ID, cell phone ug ubang mga dokumento.
Basi sa ilang nakita sa CCTV, moabot ngadto sa unom ka mga indibidwal ang nikuyog kanila sa taas nga kan-anan ug didto gipahigayon ang pagpangita.
Iya na nga gi-report sa kapulisan ang insidente, ug nanghinaot nga mabawi ang nahisgutang mga butang nga nawala.
