Mitala ang Commission on Elections (Comelec) sa kapin 36,000 ka mga aplikasyon ato sa unang adlaw sa voters’ registration niadtong nakalabayng Lunes, Oktubre 20.
Sa datos sa poll boy kay nagpakita kini sa kinatibuk-ang 36,536 mga indibidwalang misumiter sa ilang aplikasyon.
Natala ang pinakadaghan sa Region 4-A (CALABARZON) sa 8,290, gisundan sa National Capital Region Region sa 4,637, dayon sa Central Luzon sa 4,100 ug sa Central Visayas sa 3,145.
Ang pinakagamayng natalang aplikante kay sa Cordillera Administrative Region kay anaa lang sa 483.
Muhangtod sa Mayo 18, 2026 ang panahaon sa rehistrasyon sa Comelec sa mga nagkadaiyang buhatan niini sa mga lungsod sa dakbayan sa tibuok nasud.
Gawas sa new applications kay nagdalit sab og laing serbisyo ang poll body sama sa transfer of records, change of name ug status, correction of entries, reactivation sa mga registration records, inclusion of registration records, ug reinstating sa mga pangalan sa listahan sa mga botante.
Nagtinguha ang Comelec nga makarehistro ang 1.4 milyon nga mga bag-ong botante alang sa Nobyembre 2026 nga Barangay ang Sangguniang Kabataan Elections.
