CEBU-Subay sa nagkaduol nga May 2025 Automated National and Local Elections, ang Commission on Elections (Comelec) – Cebu City North District kay mupahigayon og Voter Education ug Information Dissemination Campaign sa mga barangay sa amihanang distrito sa dakbayan.
Matod pa ni Comelec – Cebu City North District Election Officer Ambongan Aguilar diin gipahibalo niini nga mopahigayon sila og public demonstration sa bag-o nga Automated Counting Machine nga gikan sa South Korean firm nga Miru Systeams sa 26 ka mga barangay sa amihanang distrito.
Magsugod ang maong kalihukan inig Disyembre 2, 2024 og mulangtod sa Enero 30, 2025 diin ang kick-off event magsugod sa Barangay Lusaran sa bukirang bahin sa dakbayan.
Dugang pa niini nga ang maong kalihukan maghatag kini og oportunidad sa mga botante nga masayod bahin sa proseso ug magdasig kanila nga mobotar sa umaabot piniliay.
