Ang Commission on Elections nipagawas og importanteng impormasyon alang sa mas hapsay nga lakang sa adlawng piniliay.
Giklaro usab nila nga mag sugod ang opisyal nga pag botar sa alas 7:00 sa buntag, hangtud na sa alas 7:00 sa gabii.
Apan, sugod sa 5:00 buntag – 7:00 buntag, kini ekslusibo sa mga Senior Citizen, PWD, ug mga mabdos nga botante, diin pwede gihapon sila makabotar hangtud sa alas 7:00 sa gabii.
Dugang niana, aduna usab Express lane sa regular nga polling places diin para kini sa mga Senior Citizen, PWD, Indigenous People (IP), Buntis, ug Escorted Persons Deprived of Liberty na botante sa Regular Polling Places.
Gawas pa ana, aduna usab nga gi andam nga Prioroty polling place diin anaa sa matag ground floor sa ragular nga voting center alang gihapon sa Senior Citizen, PWD, ug mga mabdos nga botante.
Dugang niana, aduna usab satellite priority polling place nga anaa nahimutang sa assisted living facility alang sa mga Senior citizen ug PWD.
Samtang, aduna say accessible voting center diin gipahamtang sa dool o naa sa sulod sa komuniadad sa mga Indigenous Peoples.
Sa katapusan, aduna usab PDL special polling place, alang sa mga PDL diin anaa kini nahimutang sa detention center o jail facility.(Bombo Irene Ardiente)
