CEBU CITY-Padayun ang monitoring ug pagbuhat og follow-up investigation sa Committee on Peace and Order kabahin sa gikataho nga pag-injection, panglaslas ug pagpangawat.
Usa sa gibuhat karun sa mga owtoridad mao ang pagreach-out sa mga ni-post aron makakuha og impormasyon gikan mismo sa maong na biktima.
Matud pa ni Konsehal sa Cebu City, Chairman sa Committee on Peace and Order nga si Counsilor Philip Zafra, ni-reach out kini sa usa sa ni post sa social media diin gusto unta niini ipakuha ang mga nadakpan.
Gikasubo sa konsehal nga wala mokiha ang nabiktima nga mao sab ang mipost tungod nga ang tumong lang niini mao ang paghatag og social awareness sa mga katawhan.
Dugang pa ni Zafra nga walay problema ang mopost sa social media aron makatabang sa katilingban nga makamatngon.
Apan, nihangyo kini nga kung madakpan ang mga ”perpetrators” kinahanglan og kooperasyon sa mga biktima aron nga ikiha ug motistigo tungod nga mahulog lang kini sa ”nada” ang mga reklamo ug pagpahimangno, sa hinungdan nga ma-dismiss ang maong kaso tungod nga walay kaso.
Sa laing bahin, nagpadayun ang pagdeploy sa mga kapulisan diin grabe ang report sa krimen.
Gitataw sa konsehal nga ang challenge nga gi-atubang sa kapulisan mao ang kakuwang sa gidaghanon niini itandi sa gidaghanun sa katawhan sa Sugbo.
Gihimug-atan niini nga naa ang mga kapulisan, naa ang mga barangay tanud ug auxiliary forces.
Bisan paman dili nila malukop ang kinatibuk-an sa dakbayan sa Sugbo inay naningkamot kini nga mavisible sa mga eskwelahan ug mga lugar diin daghan ang economic activity.
Gitutukan usab niini ang mga lugar dinhi sa Sugbo diin ngitngit nga makasamot sa problema sa kahapsay ug kalinaw.
Gipanglantawan nga sa dili pa maabot ang pasko ang tanan nga street lights sa siyudad sa Sugbo ma-areglar na sugdan sa may Leon Kilat St.
