Gideklarar na usab sa Democratic Republic of Congo ang Ebola outbreak, diin adunay nay moabot sa 246 ka mga kaso ang natala, ug adunay 65 nga namatay.
Sumala sa Africa Centers for Disease Control and Prevention (Africa CDC), kadaghanan sa mga namatay gikan sa mga lungsod sa Mongwalu ug Rwampara, mga lungsod nga nagmina og bulawan sa probinsya sa Ituri.
Hinungdan nga nagpatawag sila og miting uban sa pipila ka silingang mga lugar sa Congo sama sa Uganda, South Sudan ug pipila ka internasyonal nga mga kauban aron hisgutan ang mga prayoridad.Apil niini ang paghisgot sa mga paningkamot sa pagtubag ug cross-border surveillance.
Ang Ebola unang nadiskobrehan niadtong 1976 sa Democratic Republic of Congo, nga giingong gikan sa mga kabog.
Kini ang ika-17 nga pag-ulbo nga natala sa maong makamatay nga sakit sa nasud.
Giangkon sa World Health Organization (WHO) nga wala pa gihapoy tambal alang sa maong sakit, nga adunay fatality rate nga 50 porsyento.
