CEBU CITY – Nagduda ang usa ka doktor ingon man Human Life Advocate nga usa ka matang sa negosyo ang paggawas sa mga sakit-sakit susama na lang niining kontrobersyal nga coronavirus.
Gibutyag ni Dr. Rene Josef Bullecer, nga basi sa iyahang obserbasyon, kung mugawas ang susama niini nga sakit giingong adunay bag-o nga i-present nga ‘instrument’ ang World Health Organization (WHO).
Matud ni Dr. Bullecer nga susamang “man-made” na lang ang nahisgutang sakit kung diin gamiton arun sa pag-detect kung epektibo ang bag-o nga mga equipments.
Hinuon, gitataw sa nahisgutang doktor nga dili sa gihapon angayan nga magkumpyansa, ingon man nga kanunay hatagan ug pagtagad ang ‘personal hygiene’ arun nga malikayan ang bisan unsa man nga matang sa virus.
Tambag ni Dr. Bullecer nga batasanon ang paghugas sa mga kamot, ingon man ang paggamit ug 70% nga isopropyl alcohol ug ang pagmintinar sa ‘balance diet’ arun nga dili dali matakboyan ug mga viral disease.
