Bisan paman sa usa ka tuig nga suspension atol sa hukom sa buhatan sa Office of the Ombudsman, mipasalig gihapon sa mga botante sa dakbayan sa Mandaue si Suspended Mayor Jonas Cortes nga padayon ilang alyansa ni Acting Mayor ug incumbent Vice-Mayor Glenn Bercede para sa 2025 Midterm Elections.
Sa pamahayag ni Cortes sa usa ka media forum kagahapon adlaw sa Martes, Septiyembre 24, 2024 diin tataw niya nga imbes nga magbagutbot sa pagka-suspenso, iya hinuong gigahin ang iyang oras isip pagbisita sa iyang dakbayan aron sa pagdunggog sa mga yangongo sa iyang mga konstituwente.
Kahinumduman nga nasuspeso ang mayor sa dakbayan sa Mandaue sulod sa usa ka tuig ug walay sweldo sa nakalabay nga buwan sa Agosto ning kasamtangang tuig tungod sa kaso niini nga grave misconduct prejudicial to the best interest of the service sa illegal nga pagtudlo kang Camilo Basaca isip OIC-Head sa City Social Welfare Services niadtong tuig 2022.
