Ibalhin sa pinaagi sa online, ang mga hearing nga ipahigayun unta sa Quimonda, kini human gimando sa mga engineer ang hinanaling pagbakwit sa Qimonda I.T. Center, gumikan sa mga liki gikan sa 6.9-magnitude nga linog sa miaging semana.
Sa hiniusang pag-inspeksyon sa Office of the Building Official (OBO), Cebu City Disaster Risk Reduction and Management Council (CDRRMC), ug sa Department of Engineering and Public Works (DEPW) nasuta nga dili luwas ang estraktura alang sa padayong paggamit hangtod nga himoon ang pag-ayo sa maong edipisyo.
Gihimug-atan usab ni Architect Florante Catalan, pangulo sa OBO, kinahanglan nga mobakwit una aron malikayan ang posibleng mga aksidente.
Nahimutang sa Don Sergio Osmeña Avenue sa North Reclamation Area, ang Quimonda I.T. Center, nga kasamtangang nahimutang ang Cebu City’s Regional Trial Courts (RTCs) ug Municipal Trial Courts in Cities (MTCCs).
Mikompirmar usab si si Konsehal Dave Tumulak, pangulo sa CCDRRMC, nga ang kagamhanan sa dakbayan ug ang tagdumala sa edipisyo nagkasabot nga bakantehon una ang tibuok estruktura.
Gilauman nga molungtad sa mga tulo ka bulan ang mga pag-repair sa maong edipisyo . Samtang sa pikas bahin, ang mga operasyon sa korte temporaryong ipahigayun online, gitogutan usab ang pagbayad sa piyansa sa groundfloor sa building.
