CEBU CITY — Miabot na sa 636 ang ihap sa mga natakdan sa COVID-19 sa rehiyon siete human napun-an og laing 36 ka mga kaso.
Base sa report gikan sa Department of Health (DOH)-7, nag-una gihapon ang dakbayan sa Sugbo diin aduna kini 555 ka mga confirmed cases human napun-an og laing siyam.
Niabot na sa 34 ang natakdan sa coronavirus sa Lapu-Lapu City human napun-an og duha ug 17 usab sa Mandaue City human napun-an og lima ka mga bag-ong kaso.
Samtang niabot na sa 25 ang natakdan sa COVID-19 sa uban pang bahin sa Sugbo human napun-an og 20 ka mga bag-ong infections.
Lakip sa maong ihap ang 17 ka mga kaso gikan sa Cebu Provincial Detention and Rehabilitation Center.
Napun-an usab og usa ang death toll sa COVID-19 sa Cebu Province human nga namatay ang usa ka 44-anyos nga lalaking pasyente.
Matud ni DOH-7 Director Dr. Jaime Bernadas nga dili pa nila matino kung nagagikan ba sa mga komunidad o sa tambalanan nga gi-admitan nakuha ang virus maong nisaka ang kaso sa lalawigan sa Sugbo.
“As the province of Cebu records new cases, there are questions if the infection was obtained in the community or in the hospital where they were admitted. The answer to this question will never be a clear-cut answer,” sigon sa statement sa DOH-7.
Anaa karon sa 29 ang nagnegatibo ug nangaayo samtang 12 usab ang namatay sa rehiyon.
