CEBU – Dili delikado ug dili angayan nga kahadlokan. Kini ang gitataw ni Dr. Rene Josef Bullecer, usa ka medical doctor, may kalabotan na sa COVID-19 Delta variant nga gikan sa India.
Matud ni Dr. Bullecer nga kung lantawon ang datos sa India, 99% ang ilahang recovery rate, ug anaa lang sa 1% ang mortality rate sa dul-an 180-M nga COVID-19 cases sa maong nasud.
Sigon pa, mahimong delikado ang Delta variant kung daghan ang nangamatay itandi sa mga naka-recover. Nagkanayon si Dr. Bullecer nga Delta man o bisan unsa nga matang sa variant sa COVID-19, ang giingong normal lang sa mga virus.
Giingong dili kini virus kung dili ma-usab ang hitsura niini. Samtang, gibutyag niini nga ang naka-nindot sa giingong pagsulod sa Delta variant sa Pilipinas, natugbangan man kini ug massive vaccination hinungdan nga wala gayud kini makapanukad.
Gani, subay sa subsob nga vaccination program dili lang sa Pilipinas, lakip na ang ubang nasud, gituohan ni Dr. Bullecer nga layo lang ang Disyembre karung tuiga ug mahuman na ang problema lukop kalibotan.
