CEBU CITY — Nangayo sa pagsabot sa mga estudyante og sa mga ginikan ang kadagku-an sa buhatan sa Department of Education (DepEd-7) nunot sa wala’y mahitabong graduation sa mismong usa ka venue alang karon nga tuig gumikan sa hulga sa coronavirus disease.
Gibutyag ni DepEd-7 REgional Director Salustiano Jimenez nga nag-unang konsiderasyon nga gilantaw sa DepEd officials sa pagpangu ni Secretary Briones, ang kaluwasan sa mga estudyante og sa mga ginikanan tungod ning krisis sa makamatay’ng sakit nga COVID-19.
Nasayran nga adunay gi-andam nga virtual graduation alang sa pipila ka mga mo-gradwar diin sa sulod lamang sa panimalay mahitabo ang pag-graduate subay sa istriktong pagtuman usab sa “social distancing”.
Alang sa molapas sa mga kamandu-an nga wa’y mahitabong bisan unsang panagtapok sa mga estudyante sa gawas, pwede matod pa kining ma-monitor sa mga local government units sa matag lugar.
