Natanggong ang 6 ka mga mahuyang sa Cebu City Police Office (CCPO) ang 7 katawo lakip ang 1 ka babaye, kinsa giingung mga notadong kawatan sulod sa mga imnanan ug diskohan dinhi sa sugbo.
Nasikop ang maong mga suspek alas 10:00 sa kabuntagon sulod sa usa ka lodging house sa may Pelaez St., Brgy.Kalubihan, Cebu City.
Gikataho nga adunay usa ka lalaki ang ilang gibiktima sulod sa imnanan duol sa dapit diin nakuhaan kini og cellphone.
Atol sa follow up operation nasayran nga usa sa mga suspek ang nagkawat niini. Dihang nadakpan nitug-an ang suspetsado kung asa ang hide out sa iyang mga kauban hinungdan nga nadakpan usab kini.
Usa sa nadakpan nga si alias “Jerome” mibutyag nga wala siyay labot gumikan kay igo ra siya mibisita sa abangan sa iyang amega, apan kalit lang nga adunay miabot nga sakop sa kapulisan og lakip siya sa nasikop.
Dugang pa niini nga dili sila kaila sa mga mahuyang nga nasikop og naapil lang siya.
Panawagan sa Cebu City Police Office sa mga nabiktima sa modus sa mga suspek, nga modangop lang sa ilang buhatan aron mapasakahan og tukmang kaso ang mga dinakpan.
