Gipahigayon ang usa ka press conference karong adlawa, Abril 30, sa National Bureau of Investigation- Central Visayas Regional Office (NBI-CEVRO), diin naghisgut kini kabahin sa kamatayon ni Fernando Abapo Prajes, kinsa usa ka Persons Deprived of Liberty (PDLs) kinsa napalgang patay sulod sa Cebu City Jail niadtong Domingo sa hapon, Abril 26, 2026.
Subay niini, miisplikar si Dr. Rene Enriquez Cam, ang National Bureau of Investigation-7 Forensic Expert nga adunay Nakita nga mga bun-og sa pipila ka parte sa lawas ni Prajes, diin matod niya, ang resulta sa maong report makonsiderang “highly-technical.”
Matod niya, sa actual injuries ni Prajes, grabi ang nahiagoman niini nga injury sa luyo nga bahin sa paa (thigh) niini, diin gisusama kini ni Cam og usa ka agi sa hazing o gi-paddle ang usa ka indibidwal.
Dugang pa ni Cam, bisan pa nga gibana-banang 1 ka buwan pa nga anaa sa pasilidad ang maong PDL, ang mga bun-og nga nahiagoman niini adunay purohan nga dili lang bag-ohay lang nahitabo, tungod kay aduna kini posibilidad nga na-paddle kini matag adlaw o kada adlaw.
Ingun man nga namatikdan usab nga nag-swelling ang scrotum (itlog), hinungdan nga midako kini, layo na sa sukod kompara sa usa ka normal.
Nagpasabot nga aduna kini posibilidad nga matag hapos sa paddle, na-igo ang itlog niini, o di ba kaha, gituyo gayud og igo.
Kahinomdoman nga si Prajes giakusahan sa sexual assault sa iyang 11 anyos nga silingan niadtong Marso 7, 2026, diin human sa insidente, nibakwit siya ngadto sa lungsod sa Alegria, Cebu, diin nagpuyo ang iyang mga ginikanan.
Human niana, mibiyahe kini paingon sa Negros ug misakay og barko sa Bacolod City paingon sa Manila, hinungdan nga temporaryong nakalikay kini sa mga awtoridad nga naggukod kaniya.
Apan, sa dihang nahibal-an niya ang iyang mga lihok, ang Cebu City Police Office (CCPO) nakig-alayon sa Criminal Investigation and Detection Group–National Capital Region Field Unit, uban sa Philippine Coast Guard Sea Marshals, Philippine Ports Authority, ug Manila Police District, diin niresulta sa pagkasikop niini niadtong Marso 9, 2026, sa pag-abot niya sa Port of Manila.
