Gipabilin sa Japan Credit Rating Agency (JCR) ang investment-grade credit rating sa Pilipinas sa “A-” nga adunay “stable” nga outlook, nga nagpakita sa lig-on nga ekonomiya sa nasud.
Diin ang Gross Domestic Product (GDP) mitubo og 5.4% sa unang quarter sa 2025, samtang ang inflation nagpabilin nga ubos sa 2.0% sa unang upat ka bulan sa tuig.
Sumala sa JCR, bisan pa sa pagbag-o sa mga palisiya sa taripa sa US, ang posisyon sa liquidity sa foreign exchange sa Pilipinas nagpabilin nga lig-on, ug ang JCR naglaum nga ang ekonomiya magpabilin sa taas nga kalig-on sa mga external shocks sa umaabot.
Gilauman usab sa GDP growth nga magpabilin sa “upper 5% range” karong tuiga, basi sa pagtuki sa JCR ug sa Bangko Sentral ng Pilipinas (BSP).
Giila usab sa Fitch Ratings ang lig-on nga ekonomiya sa nasud, nga nagmintinar sa “BBB” nga credit rating niini nga adunay lig-on nga outlook tungod sa pagkunhod sa inflation, maayong palisiya sa kwarta, ug lig-on nga utang sa publiko.
