CENTRAL VISAYAS-Sa ikaduhang adlaw nga kalihokan sa Central Visayas Regional Athletics Association o CVIRAA Meet 2024, nag-una na ang Lapu-Lapu City diin adunay 17 nga bulawang medalya, 7 ka silver medals ug 1 ka bronze medal.
Gisundan kini sa Cebu City nga adunay 11 ka bulawang medalya, 14 silver medals, ug 13 ka bronze medals.
Nakuha usab sa Dumaguete City ang ikatulo nga pwesto diin adunay 10 ka gold medals, 12 ka silver medals ug 10 ka bronze medal.
Ingon man nga anaa sa ika-upat nga pwesto ang Bohol, gisundan sa Mandaue City, nisunod ang Negros Oriental, Cebu Province, Tagbilaran City, Tagbilaran City, Carcar City, Danao City, Bogo City, Tanjay City, Bais City, City of Naga, Talisay City, Toledo City, ug kasamtangang wala a’y nalangkat nga medalya ang Guihulngan City ug Siquijor.
Subay niini, dako ang pasalamat ni Dr. Salustiano Jimenez, ang Regional Director sa Department of Education sa Central Visayas nga wala’y natalang mga dagkong kakulian sa ikaduhang adlaw sa nagpadayon nga Central Visayas Regional Athletics Association o CVIRAA Meet 2024.
Matud pa sa pangu nga ang maong kalampuson dili mamahimo ug kon wala ang mga tanang nagpaluyo arun mamintinar ang kahapsay ug kalinaw sa naasoy nga sports
event.
