Masaligon ang Department of Agriculture (DA) nga ang imported nga bugas sa Pilipinas mokunhod pa sa 2026, dili molapas sa upat ka milyon metriko tonelada.
Sumala ni Agriculture Secretary Francisco Tiu Laurel Jr., ang gibanabanang gidaghanon sa bugas nga i-import sa 2026 anaa sa taliwala sa 3.6 milyon ngadto sa 3.8 milyon metriko tonelada.
Nagtuo ang kalihim nga ang maong gidaghanon sa imported nga bugas igo na aron matubag ang panginahanglan sa tibuok nasud alang sa bugas, nga dili makaapekto sa presyo sa bugas nga gipalit gikan sa mga mag-uuma sa farmgate.
Dugang pa, posible usab nga ang kinatibuk-ang produksiyon sa bugas sa Pilipinas makaabot sa rekord nga taas sa sunod tuig.
Gipaambit usab sa kalihim nga nakigkita na siya sa lain-laing mga importer sa bugas sa nasud.
Atol sa maong miting, gipresentar sa DA ang ilang plano aron mas maayo nga ma-calibrate o ma-adjust ang gidaghanon sa imported nga bugas.
Niining bahina, ang DA nagplano usab nga pataasan ang taripa sa imported nga bugas ngadto sa 20%, gikan sa kasamtangang 15%, sumala sa gikasabutan sa mga economic managers sa administrasyon ni Presidente Ferdinand R. Marcos Jr.
Ang bag-ong taripa gilauman nga moepekto sa Enero 1.
