Hugot nga nakig-alayon ang Department of Agriculture sa mga rice importers, retailers ug mga stakeholders aron malikayan ang pag-abuso ug pagmaniobra sa presyo sa bugas.
Kini nunot sa pagpatuman sa importasyon sa bugas sa unang adlaw sa Setyembre.
Matud ni DA spokesperson Assistant Secretary Arnel De Mesa nga padayon ang ilang pagpahigayon og mga market visit sa Department of Trade and Industry (DTI), Philippine National Police ug local government units aron maseguro nga mapatuman ang pagsuspenso sa importasyon sa bugas.
Ingon man nga ilang naobserbahan ang pagsaka sa presyo sa imported nga bugas apan walay lihok sa presyo sa lokal nga bugas.
Masaligon usab ang DA nga adunay igong suplay sa bugas humay ang nasud basi sa gihimong imbentaryo sa National Food Authority (NFA) nga adunay gipaabot nga ani nga 11 milyones metriko tonelada sa humay sa umaabot nga mga semana.
