Mipasalig ang Department of Agriculture (DA) nga patas ug walay pinalabi ang ilang imbestigasyon sa epekto sa imported nga karne sa baboy sa mga hog raisers.
Sumala sa DA, adunay mga ebidensya nga ang pagdagsa sa imported nga karne sa baboy mahimong makahatag og dakong hulga sa lokal nga industriya sa pag-atiman og baboy.
Sakop sa imbestigasyon ang panahon gikan sa 2021 hangtod Agosto 2026 aron masuta ang epekto sa pagtaas sa importasyon sa lokal nga industriya.
Ubos sa Republic Act No. 8800, o ang Safeguard Measures Act, mahimong magpasiugda og imbestigasyon ang Sekretaryo sa DA kon adunay ebidensya nga ang pagdagsang sa imported nga mga produkto nagpahinabo og kadaot sa lokal nga industriya.
Kalabot niini, gikonsiderar sa DA ang pagpataas sa taripa sa imported nga karne sa baboy, ilabi na sa farmgate prices, nga nakaapekto sa kita sa mga lokal nga mag-uuma.
