Nanawagan ang mga hog raisers sa Pilipinas nga ipataas dayon ang taripa sa mga imported nga karne ug ipatuman ang temporaryong pagdili sa pag-import niini, tungod sa hulga nga mapuo ang lokal nga industriya gumikan sa farmgate prices nga miubos pag-ayo kaysa sa gasto sa produksyon.
Sa usa ka hiniusang pahayag, gibutyag sa alyansa sa mga local hog industry groups nga ang presyo sa buhi nga baboy miubos ngadto sa taliwala sa P90 ug P120 matag kilo. Nakasinati sila og dagkong lugi nga moabot sa P9,000 matag baboy tungod sa padayon nga pagsaka sa gasto sa feeds, hinungdan nga daghang gagmay ug dagkong mga hog raiser ang naghunahuna na nga undangon ang ilang negosyo.
Tungod niini, nanawagan ang alyansa nga ibalik dayon ang mga rate sa taripa ngadto sa 40 porsyento alang sa mga shipment nga “out-quota” ug 30 porsyento alang sa mga shipment nga “in-quota.”
Gisalikway usab nila ang sugyot sa gobyerno nga hinay-hinay nga ibalik ang mga rate sa taripa pag-abot sa tuig 2028, ug nagpasidaan nga ang dugang nga paglangan sa pagpatuman niini maghatag og dili patas nga bentaha sa mga imported nga karne ug magduso sa lokal nga industriya padulong sa hingpit nga pagkahugno.
