DA, wala makita ang pagsaka sa presyo sa bugas bisan pa sa epekto sa kaylap nga pagbaha

Wala makita sa Department of Agriculture (DA) ang pagsaka sa presyo sa bugas sa mga kamerkadohan bisan pa sa epekto sa lapad nga pagbaha.

Matud ni DA Spokesperson Assistant Secretary Arnel de Mesa, nga wala’y rason nga patas-an ang presyo sa mga produkto sa bugas sa nasud.

Hilabi na nga basi sa monitoring sa buahtan nga walay mga bodega sa bugas ang nabahaan o naguba sa pagbaha samtang nagpadayon ang pagsulod sa bugas pinaagi sa importasyon.

Bisan pa man og pipila ka mga humay ang apektado, apan posibleng dili dayon kini makaapekto tungod sa kadaghan sa bugas sa nasud.

Ingon man nga mipasalig kini nga magpadayon ang DA sa paglibot aron mamonitor ang presyo ug kinatibuk-ang baligya sa bugas sa mga merkado.