CEBU CITY-Suspendido una ang operasyon sa buhatan ni Daanbantayan, Cebu Mayor Sun Shimura sulod sa usa ka semana human nigawas sa swab test nga nagpositibo ang mayor sa COVID-19.
Kini mismo ang gikumpirmar sa mayor pinaagi sa social media page sa maong lungsod.
Sigon niini nga una siyang mi-paubos sa rapid test niadtong Hunyo 15 human nakasinati og hilanat apan negatibo ang resulta. Pagkasunod adlaw, mi-paingon kini sa dakbayan sa Mandaue aron mutambong sa meeting sa mga mayor niadtong Hunyo 17.
Ug sa pagkalabay sa usa ka adlaw, subli kining gihilantan ug gi-ubo maong wala na kini nibalik sa Daanbantayan ug nagpa-check up sa doktor. Human nga nipaubos sa swab testing niadtong nakalabay nga weekend, nasuta nga nagpositibo kini sa COVID-19.
Sa pagkakaron, naka-isolate ang mayor samtang nagpadayon sa iyang trabaho kalabot na sa COVID-19 response. Gipaubos na usab sa disinfection ang buhatan ni Shimura samtang gi-atiman kini sa mga doktor.
Naglaum gihapon ang mayor nga mu-maayo kini taliwa sa nasinating hagit nga dala sa COVID-19 pandemic.| GN/FDP
