Nagpabiling gawasnon ang dakbayan sa Lapu-Lapu sa mga ilegal nga operasyon sa Philippine Offshore Gaming Operators (POGO) sukad sa kataposang gikataho nga na-raid nga naglambigit sa kompanya sa China sa Barangay Mactan niadtong pang Septiyembre 7, 2019.
Kini ang gibutyag ni Mayor Junard “Ahong” Chan sa usa ka pamahayag niadtong Martes, Hulyo 23, 2024.
Tataw pa ni Chan nga walay aktibong legal nga POGO hubs sa iyang dakbayan.
Ang mayor midugang nga ang 2019 raid maoy katapusang higayon sa illegal nga POGO activity sa dakbayan sa Lapu-Lapu.
Matod pa niya nga iyang gimandoan ang Lapu-Lapu City Police Office sa pag-profile sa mga langyaw nga nagpuyo sa 30 ka mga barangay, nga naghimo og record sa tanang internasyonal nga mga lumulupyo sa pagmonitor sa ilang mga negosyo ug kalihokan.
Kini nga inisyatiba, nagtumong sa paghimog hinanaling aksyon ug pag-ila sa mga langyaw nga lungsoranon nga makalapas sa mga balaod o naghimo sa mga ilegal nga kalihokan sa siyudad.
