CEBU – Nangayo og tabang sa nasudnong kagamhanan ang kagamhanan sa dakbayan sa Mandaue aron matuman ang komprehensibong drainage master plan sa dakbayan.
Kini ang gibutyag ni Architect Marlo Ocleasa, pangu sa Mandaue City Planning and Development Office nga ang kagamhanan sa dakbayan ug mga ahensya sa gobyerno sa mga distrito ug rehiyon dili maka-finance sa multi-billion pesos nga proyekto tungod sa limitasyon sa pundo.
Tungod sa coverage sa epekto sa dakong pagbaha niadtong Septiyembre 9, ang kagamhanan sa dakbayan niadtong Miyerkules, Septiyembre 14, nanawagan og consultative meeting uban sa mga ahensya sa gobyerno, stakeholders, ug pipila ka opisyal sa Sugbo.
Kung diin ang panagtapok nga gipahigayon sa Mandaue City Cultural and Sports Complex nanawagan sa paghimo og mga solusyon sa mga problema sa baha sa dakbayan ilabi na kon moawas ang Butuanon River.
Matud ni Ocleasa nga ang pagpatuman sa drainage master plan sa dakbayan mahinungdanon kaayo sa pagsulbad sa mga problema sa baha sa dakbayan.
Dugang pa, nga P1.5 bilyones lang ang kantidad sa mga proyekto ang napatuman pinaagi sa tabang sa Department of Public Works and Highways, apan ang comprehensive drainage master plan nagkinahanglan og kapin sa P5 bilyones aron mahuman.
Himumgdan nga gikinahanglan gyud nila ang tabang ug interbensyon sa nasudnong kagamhanan aron hingpit nga mapatuman ang proyekto sanglit limitado ang budget sa lokal nga kagamhanan ug sa mga ahensya sa gobyerno sa mga distrito ug rehiyon.
Usa sa gisugyot nga plano atol sa round table discussion, mao ang paghiusa sa pipila ka mga opisyal ug ahensya sa gobyerno sa pag-lobby alang sa comprehensive drainage master plan sa dakbayan ngadto sa nasudnong kagamhanan.
