CEBU – Nilusad ang Dakbayan sa Sugbo og all-out war batok sa dengue, tungod kay padayong nisaka ang mga kaso sa sakit nga dala sa lamok.
Matud pa ni Dr.Jeffrey Ibonnes,ang pangu sa City Health Department (CHD),nga mopagawas og Executive Order si Mayor Mike Rama,pinaagi sa iyang emisaryo,nga si Atty. Colin Rosell, alang sa tibuok dakbayan nga operasyon batok sa dengue nga gitawag og War on Dengue.
Dugang pa ni Dr. Ibonnes,nga nisaka ang mga kaso sa dengue niadtong Mayo 2022 nga adunay 364 ka kaso,ug mokabat sa 1,245 ka mga kaso ang natala gikan Enero 1 hangtod Hunyo 23, 2022.
Kadaghanan sa mga apektadong indibidwal alang sa mga kaso sa dengue karong tuiga nag-edad gikan sa 1 hangtod 10 sa anyos nga adunay 580 nga kaso,nga gisundan sa mga nag-edad 11 hangtod 20 anyos nga adunay kinatibuk-an nga 420 ka kaso.
Nagkanayon ang mga opisyal sa CHD,nga ilang tutukan ang top ten barangays diin taas ang ihap sa mga kaso ug ang incident rate.
Nanguna ang Barangay Guadalupe nga adunay pinakadaghang kaso nga 115,gisundan sa Barangay Lahug, Tisa, Labangon, Pardo, Inaayawa, Kamputhaw, Mambaling, Talamban, Punta Princessa ug Quiot Pardo, anaa usab sa ibabaw sama sa makita sa tsart sa ubos.
Andam usab ang kagamhanan sa dakbayan sa paghatag og libreng pagpaospital sa mga pasyente sa dengue pinaagi sa CCMC.
