CEBU CITY-Miulbong dakong sunog sa Barangay Sambag 2 ning dakbayan sa Sugbo gahapong adlawa, Abril 8, 2024 diin dili mominus sa 63 ka mga panimalay ang naapektuhan sa sunog.
Samtang labing menos P7.5 milyones ang kinatibuk-ang danyos niini.
Giisa sa ikaupat nga alarma ang sunog diin nagpasabot nga kinahanglan ang tanang firetruck gikan sa Metro Cebu aron mapalong ang sunog.
Sa pakighinabi sa Bombo Radyo Cebu News Team kang Apollo Malalay, usa sa mga nasunugan diin matud niini nga iyang gisiguro ang iyang uniform sa eskwelahan apan, wala na nadali ang ubang gamit sama sa mga dokumento tungod usab sa daling pagkaylap sa sunog.
Subay niini, wala’y hunong ang pahimangno sa kabomberohan ngadto sa publiko nga mag-obserbar kanunay sa fire safety measures arun malikayan ang sunog.
