Misaka na sa labing menos walo ka tawo ang namatay human ang kusog nga ulan sa sidlakang Japan nagpahinabo og grabeng pagbaha, pagdahili sa yuta ug pagkawala sa kuryente sa kapin 20,000 ka mga panimalay sa Chiba Prefecture.
Sumala sa mga awtoridad, kapin sa 100 millimeter nga ulan ang nahulog sa Chiba sukad niadtong Huwebes sa hapon—hapit tulo ka pilo sa naandan nga gidaghanon sa ulan alang sa tibuok bulan sa Agosto.
Ang kaylap nga pagbaha naka-stranded sa liboan ka mga pasahero, lakip ang mga biyahero sa Narita Airport.
Daghang train services ug mga dagkong highway ang gisuspenso usab tungod sa grabeng panahon.
Kapin sa 100,000 ka mga panimalay ang gitambagan nga mobakwit human ang kusog nga ulan nagpahinabo og pagdahili sa yuta ug pagkawala sa kuryente sa pipila ka lugar.
Sumala sa Japan Meteorological Agency, ang kusog nga ulan gipahinabo sa init ug humid nga hangin nga misugat sa bugnaw nga hangin sa atmospera.
Nagpadayon ang mga awtoridad sa pagpasidaan batok sa risgo sa pagbaha ug pagdahili sa yuta sa pipila ka lugar, bisan pa nga gipaubos na ang emergency alert ngadto sa Level 4.
