5 nasamdan sa pag-igo sa Bagyong ‘Dolphin’ sa Japan

Nasamdan ang lima ka tawo sa pag-igo sa Bagyong Dolphin sa habagatang isla sa Okinawa, Japan.

Nawad-an usab og kuryente ang mga 14,000 ka mga building tungod sa bagyo.

Gawas sa Okinawa, naapektuhan usab sa bagyo ang Amami Island sa Kagoshima Prefecture.

Daghang mga biyahe sa eroplano ang gikansela tungod sa bagyo, lakip na ang China ug Taiwan.

Ang bagyo padulong na karon sa China.

Base sa Japan Meteorological Agency, nga ang bagyo adunay kusog nga hangin nga 162 kilometros kada oras ug pag-unos nga moabot sa 216 kph.