US Marine, gidakop tungod sa giingong pagpatay sa usa ka babaye sa Okinawa, Japan

Gidakop ang usa ka US Marine tungod sa giingong pagpatay sa usa ka babaye sa Okinawa, Japan.

Ang suspek giila nga si Devin Jacob Ballard, 20 anyos, nga nadestino sa U.S. Marine Corps Air Station Futenma.

Samtang, ang biktima giila nga si Anna Yagi, 39 anyos.

Matod ni Japanese Defense Minister Shinjiro Koizumi, nakit-an ang patayng lawas sa biktima sulod sa usa ka hotel sa Naha City.

Mipasalig ang U.S. Marine Corps nga nakigtambayayong sila sa mga awtoridad sa Japan alang sa imbestigasyon sa insidente.

Daghang base militar sa Estados Unidos ang nahimutang sa Okinawa, diin liboan ka mga sundalong Amerikano ang nadestino.