Gitay-og og kusog nga linog ang amihanang baybayon sa Japan, ug dali usab nga nakapagawas ang Japan Meteorological Agency og tsunami alert sa rehiyon.
Ang linog nga adunay pasiunang magnitude nga 7.5 nahitabo sa baybayon sa Sanriku sa amihanang Japan alas 4:53 sa hapon, sa giladmon nga 10 kilometros.
Ingon man nga adunay namatikdan nga usa ka tsunami anaa sa 80 sentimetros o 2.6 feet ang sa pantalan sa Kuji sa prefecture sa Iwate, ug usa ka mas gamay nga tsunami nga anaa sa 40 sentimetros o 1.3 feet ang natala sa laing pantalan sa prefecture, matod sa ahensya.
Subay niini, padayon ang mga pasidaan sa tsunami sa sidlakang ug kasadpang mga dapit Pacific coast of Hokkaido, baybayon sa Aomori Prefecture, Miyagi Prefecture, ug Fukushima Prefecture.
Samtang, sa pakighinabi sa Bombo News Team kang Fred Labus, Bombo International correspondent sa Japan diin gipaambit niini nga padayon ang pagmonitor sa gobyerno sa nasud hilabi na nga ang Aomori Prefecture nga nag-atubang sa sa pacific.
Dugang usab niini nga adunay mga natala nga ginagmay nga kadaot sama sa mga naguba nga balay, dalan ug uban pa tungod sa impact sa linog.
